Awdur
Disgrifiad
Mae Lyn Ebenezer yn awdur, golygydd a chyflwynydd teledu cyfarwydd o Bontrhydfendigaid. Mae ganddo lyfryddiaeth eang ac yntau enillodd Coron Eisteddfod Pantyfedwen 2007. Er hyn, nid yw’n honni bod yn fardd. Rhigymwr yw Lyn ac mae ei gerddi yn amrywio o’r digri i’r difri ac o’r trist i’r llon.
Mae i’r gyfrol naws cynnes cartrefol a all ddenu darllenwyr nad ydynt bellach yn troi at farddoniaeth Gymraeg.’ […] Bydd y gyfrol hon wrth fodd calon y rhai sy’n caru barddoniaeth swynol, ddealladwy. Mae clust Lyn at fydr yn fain a’i afael ar iaith yn sicr […] Fel bywyd, mae’r gyfrol yn gyforiog o’r dwys a’r digri. Mae’r sonedau yn batrwm o’r hyn y dylai soned fod gyda phum curiad ym mhob llinell a’r odlau diacen yn odlau dwbwl. Mae’r grefft yn lân, y cerddi’n canu ac yn ymbil am gael eu darllen yn uchel.
– Adolygiad Idris Reynolds, Cylchgrawn Barn