Cyflwynir Tlws Pat Neill i’r gerdd orau gan ddisgybl ysgol gynradd.
Anogir ysgolion i alluogi pobl ifanc i lunio cerdd yn ystod oriau’r ysgol a than gyfarwyddyd athro er mwyn sicrhau dilysrwydd y gwaith. Gellir gyrru gwaith y disgyblion i’r gystadleuaeth ar ran yr ysgol.
Cadair fechan hardd yw’r wobr flynyddol.
Ers 2011 y diweddar Pat Neill, Llanarth, sy’n noddi’r gystadleuaeth trwy arian ei ewyllys.
Ymhlith enillwyr nodedig y gorffennol, mae Llŷr Gwyn Lewis (1998).