Byw Brwydr: Detholiad o ganu gwleidyddol 1979-2013

Disgrifiad

Bu’r daith o Refferendwm 1979 i Gyfrifiad 2011 yn un droellog. Gwelwyd newidiadau sylweddol yn nhirlun gwleidyddol a ieithyddol Cymru yn y cyfnod hwn, a daeth deuoliaeth yn rhan annatod o’n canu gwleidyddol wrth i’r beirdd bendilio rhwng gobaith ac anobaith. Mae’r detholiad newydd hwn yn cynnig trosolwg cyfoethog o ymateb y beirdd.

Yng ngeiriau’r golygydd, Hywel Griffiths “Drwy gydol y cyfnod, bu’r beirdd yn arsylwi, yn archwilio, yn cyfranogi ac yn byw brwydrau Cymru – yn canu clodydd ei harwyr ac yn dychanu ei dihirod. Yn wyneb bob anobaith a dadrithiad roedd creadigrwydd, a chafwyd llawenhau gyda phob buddugoliaeth”.