Ein nod yw addysgu’r cyhoedd i werthfawrogi a deall barddoniaeth Gymraeg, yn enwedig y gelfyddyd o gynganeddu, a hybu’r rhai sydd am farddoni.

Home > Newyddion > Swydd Cydlynydd Barddas

Swydd Cydlynydd Barddas

Swydd gyffrous ac amrywiol sy’n cynnig cyfle i berson trefnus a brwdfrydig chwarae rhan sylweddol yn datblygu’r cyfraniad a wna’r Gymdeithas ym myd barddoniaeth Gymraeg.

Chwiliwn am unigolyn egnïol sy’n meddu ar sgiliau gweinyddol o’r radd flaenaf, ynghyd â meistrolaeth o’r cyfryngau cymdeithasol at ddiben hyrwyddo a marchnata yn greadigol. Byddai’n hynod o fanteisiol petai’r unigolyn yn gyfarwydd â byd barddoniaeth a llenyddiaeth yng Nghymru heddiw, gan amlygu brwdfrydedd tuag at amcanion a gweithgaredd Barddas.

Bydd y dyletswyddau yn cyffwrdd â phob agwedd ar waith Barddas: Y Gymdeithas Gerdd Dafod.

Cyflog£29,600 pro rata am 20 awr yr wythnos
Dyddiad cauDydd Mercher, 12 Awst
CyfweliadauDydd Iau, 20 Awst (trwy Zoom)

Ymgeisio

Anfonwch lythyr cais a CV at [email protected].

Telerau

Pecyn yn cynnwys:

  • Cyflog: £29,600 pro rata am 20 awr yr wythnos
  • Cyfraniad cyflogwr at bensiwn o 5%
  • Gweithio oriau hyblyg ac o gartref
  • Ad-daliad o 45c y filltir am gostau teithio achlysurol
  • Darperir cyfrifiadur a thrafodir trefniant ffon

Prif ddyletswyddau

  • Cyfrifoldeb am holl waith gweinyddol Barddas: Y Gymdeithas Gerdd Dafod gan barhau i foderneiddio ein prosesau.
  • Paratoi ar gyfer, gweinyddu, mynychu ac adrodd i 3 chyfarfod Pwyllgor Gwaith y flwyddyn (a’r Is-bwyllgor Cyhoeddiadau).
  • Gweinyddu gwefan Barddas a chyfrannu’n gyson i’r cyfryngau cymdeithasol.
  • Cynorthwyo gyda cheisiadau grant a gweinyddu grantiau.
  • Gweinyddu’r drefn aelodaeth a thanysgrifiadau.
  • Trefnu digwyddiadau lansio llyfrau a hyrwyddo.
  • Cynorthwyo Golygydd Cyhoeddiadau Barddas a Golygydd Cylchgrawn Barddas.
  • Gweinyddu prosesau dosbarthu llyfrau.
  • Cadw cyfrif manwl a chywir o werthiant llyfrau (trefniadau cadw stoc i’w hadolygu gyda deiliad y swydd).
  • Hwyluso gwaith y Gymdeithas wrth iddi ymdrechu i gynyddu ei gweithgaredd yn y gymuned ac mewn ysgolion.
  • Gweithio ar stondin Barddas yn yr Eisteddfod Genedlaethol.
  • Ymwneud â threfniadau Gŵyl Gerallt yn flynyddol.
  • Unrhyw waith arall addas sy’n hwyluso gwaith y Gymdeithas.

Atebolrwydd

Bydd y Cydlynydd yn atebol i’r Pwyllgor Gwaith, gyda’r Cadeirydd yn rheolwr llinell.

Lawrlwytho manylion y swydd fel dogfen pdf.